زي ما نتشاف …شعر غنائي بقلم إبراهيم الأفندي
انا مش شاغل بالي خلاص
ايه شكلي في عيون الناس
انا مش فاضي أصَلَحْ صورتي
ولا زعلان م اللي يجيب سيرتي
اللي شايفني ملاك في الصورة
واللى شايفني هلاك وخطورة
واللى وجودي معاه من صالحه
بيطبل وبتمشي مصالحه
يبقى شايفني اكيد اسطورة
نتشاف بقا زي ما نتشاف
على زعل الناس مش راح اخاف
انا مش فاضي أصَلَحْ صورتي
ولا زعلان م اللي يجيب سيرتي
اللي حاببني يا اهلا بيه
واللى كارهني خلاص خليه
واللى كارهني اكيد بيقول
مش طيب و الروح مغرورة
واللي شايفني ملاك في الصورة
واللى شايفني هلاك وخطورة
واللى وجودي معاه من صالحه
بيطبل وبتمشي مصالحه
يبقى شايفني اكيد اسطورة
نتشاف بقا زي ما نتشاف
على زعل الناس مش راح اخاف
انا مش شاغل بالي خلاص
ايه شكلي في عيون الناس
التعليقات مغلقة.