سألتني مالك من ديوان حرف المشاعر بقلم الشاعر محمود فوده
حـــاســــه قلبــــك ليـه حزين
ساكنـــه حـــزنـها من سنيـــــن
قلـــي مـــــالك ليـــه في حيره
ليــــه عيــــونك محتــــــاريــن
قلبي مـــــوجـــــوع كل يــــوم
م الســــــهر ومن الهمــــــــــوم
لمــــا غــــاب عنـــي حبــــيبي
قولت فيــــك يا دنيـــــا اصوم
ع الكــــــلام اللـــي فى خيالي
ع اللـــي فيــــها شاغلـــي بالي
ع اللـــــي قلبــــه حب قلبــــي
روحــه دايمــــاً محتجـــــــالي
قلبــــي م الحــــب اكتفـــــــى
حتـــى لـو كان فيـــه شِفـــــى
توهت بين جـــرحــي وآلامــي
لمـا مــــات فيــــــه الدفـــــــى
وحــــدانـــي ولا بيشكي لحاله
ولا ميِّـــــل علــــى حد حــكاله
متحمـــل ولا عمــــــره بيهــرب
م الدنيـــــــــا اللي تهـــد آمالــه
عـايش فيـك العمــــر جـــريـح
جبـــل وعمــره ما هـــزه الريح
لكـــن من كتـــــر الأحـــــــزان
معـــــاد شــايف فيك تفــاريح
مفيش كـــام يوم وعدى عليه
هــواك ولقيتــــــــه بســألنــــي
فيـــن حُبــــك إزاى تداريــــــه
فقلــــي يــا غالــــــي طمنــــي
ليه حـــــزنك هــــدد أحـلامـي
مكفــــايه الذكــــرى بتألمـنــي
مين هيداوي جــــــراح أيامـي
مادام فكــــــــــرت هتسبنــــي
التعليقات مغلقة.