أسـمـاء الـبـيـطـار
ساعات بنظلم نفسنا
كتير مننا عنده من تأخر سن زواجهم و لا احب لفظ العنوسة
لأن النصيب لا يعرف عُمر .
كتير من البنات اللي تأخر سن زواجهم هتلاقيهم اشتغلوا يعني نزلوا مجال العمل و زي ما بنقول بالبلدي كده مسكوا قرش .
أنا شخصياً ما عنديش مشكلة مع المرأة التي تعمل فهذا حقها بعد سنين مش بسيطة قضتها في التعليم .
و هناك مجالات كثيرة تحتاج إلى عمل المرأة
و لكن ….
كتير من البنات بقت تحس إن قوتها في القرش اللي معاها
و إن بوظيفتها واخده ميزة زيادة عن البنت اللي قاعدة في البيت
و للأسف إن كتير من الشباب بيدوروا على العروسة اللي بتشتغل
علشان تقدر تساعد في العيشة و اللي عيشنها .
و للأسف ايضا بيبقى شرط اساسي .
و من هنا بتحس البنت بتتعالي حبتين و بتبدأ هي كمان
تحط شروط و انا وظيفتي اعلى من وظيفتك و بالتالي مرتبي و مرتبك
و الدُنيا دخلت في شركة بدل من بناء بيت .
و لكي نكون مُنصفين .. هناك من الشباب حين يتقدم يطلب إنها تترك وظيفتها فترفض و تُفضل الوظيفة على الزواج .
و من الأمور اللي ليها العجب ايضا ان بعض الأسر و للأسف الشديد
بقت تحط شروط ما انزل الله بها من سلطان بحجة أن بنتهم تعمل .
و احيانا كثيرة تضع العقدة في المنشار كي لا يتم الزواج لأن البنت مصدر رزق للبيت .
و في اي حال من الأحوال يمر العُمر دون أن تشعر به و تتخطى البنت الثلاثين و منتصفه
و تبدأ الفرص تقل للأسف هذه نظرة مجتمع لن و لم تتغير
اختي و صديقتي و جارتي و قريبتي
اعملي ما شئتي و لكن لا تنسى نفسك إنك في مجتمع رجل شرقي
و أم لرجل تريد أن تُزوج إبنها لترى احفادها
ضعي كل شئ في مكانه الصحيح حتى تنعمي بحياتك و عملكِ و لا تندمي على شئ كان بيدك .
التعليقات مغلقة.