ساعة الصفر…شعر وطني غنائي گلمات أشرف يوسف
ساعة الصفر ابتدت
واحنا واقفين فى الميدان
وابتدينا الحرب فجأه
بعد ما سمعنا البيان
دباباتنا و طياراتنا
والسلاح ويا المدافع
والأسود عماله تهتف
گلنا ح نروح ندافع
شوف سلاحنا و دباباتنا
وطياراتنا عامله إيه!!!
والمشاه و المدفعيه
والنظام الله عليه
من نيران المدفعيه
گانت الضربه القويه
والدفاع الجوي عامل
رجه بإيديه العفيه
أمنا مصر العظيمه
عودتنا عالعزيمه
ياما قالت لينا ياما
لنتصار غير الهزيمه
واحنا قولناها بأمانه
مش هنسمح بالإهانه
دا الوفا مالي قلوبنا
وطبعنا مافيهوش خيانه
يومها قومناها حرب
ومش ح نقبل لنگسار
وان رجعنا مش ح نرجع
غير يا مصر بلنتصار
دوقوا بعد الظلم نارنا
جالكوا يوم ناخد بتارنا
لسه إيه بعد العبور
ما احنا جينا و انتصارنا
الثلاثاء بتاريخ ٢٠٢١/١٠/١٢م
بقلم الشاعر ؛ أشرف يوسف
من ديوان ( وطني حبيبي )
التعليقات مغلقة.