ساعة واحدة… شعر غنائي گلمات ؛ أشرف يوسف
ساعه واحده ف قربك يا حبيبي
و لا گل ساعاتي لوحديا
بتقرب للفرحه حياتي
وبتسعد وياك لياليا
وبنسهر والحب تالتنا
مع أحلى ليالى ف دنيتنا
وتغنى الأحلام ويانا
وبنحضن بالشوق. فرحتنا
وهوانا بيضحك. للدنيا
والدنيا الحلوه بتضحك له
ونقرب من بعض و نبعد
عن گل العالم و مشاگله
ونلون أيامنا الجايه
بالفرحه وإيديك فى إيديا
نتقابل. و الشوق بياخدنا
ويجيبنا فى مليون أغنيه
ونجومنا بترقص فى سمانا
وتغنى على لحن هوانا
وقمرنا منور ليالينا
فى الدنيا و سهران ويانا
فيه أجمل من گده إيه تاني
وانا شايفك و عنيك شيفاني؟
وانا ليلى نهاري مفيش سيره
غير سيرتك بس على لساني
السبت بتاريخ ٢٠٢١/٩/١١م
بقلم الشاعر ؛ أشرف يوسف
من ديوان شروق و غروب
التعليقات مغلقة.