ساعه صفا ….بقلم عبد السلام عبد النبي
اوبريت ضمن خمسه اوبريتات تحت عنوان وصايا الفاروق
نتحدث اليوم عن شخصيه النزيل دومه وهو يصف نفسه وسبب دخوله السجن
بتحكي واقول
في حكايه عجيبه
باروي لكم
والقصه غريبه
الحكايه والغنوايه
ماتوا خلاص
الاحلام والأنغام
راحوا يا ناس
كنت في يوم
ماشي في طريقي
قالي يا صاحبي
ده حلم حقيقي
ندخل نسرق
جارنا زيدان
اللي خزينته
اشكال والوان
قلت يا صاحبي
عاوز أتوب
امشي في سكه
سليمه واعيش
واللي يا خايب
حمد قلبك
بكره ح تبقي
ابو الدراويش
لما فلوس الخزنه تهفهف
رايح تلبس اغلي حرير
الاحلام كمان ح ترفر ف
الدنيا احلام عصافير
قولوا سمعت كلامه ياهوه
قلت زماني خلاص حيروق
نفسي الدنيا تزهزه مره
نفسي حياتي تلف تدور
قولوا دخلنا بيت الجار
كل بيوت الناس اسرار
راح فين صاحبي
ماهواش باين
ماهواصله غدار وجبان
طول عمره بيخاف من ضله
الخايب في الضلمه يبان
جم مسكونا يا خلق ياهوه
ومبايلي راخر اخد ه
وادي شا وشنا يا ناس حسان
زي الفلق وعود الزمان
ايده تتلف في حرير
وقفايا ولع يا أمير
حكوا علينا بست شهور
ضي الدنيا في عيني يدور
جابو عربيه للترحيله
انا وزمايلي المساجين
كل واحد وشايله شيله
الزحمه زي السردين
التفتيش طبعا كان لازم
جوا الاكل وجوا الميه
خايفين احسن تدخل نمله
زعلانه وطالبه العبوديه
التعليقات مغلقة.