سافر حبيبي بقلم الشاعر : أشرف يوسف
سافر حبيبي بس
سيبلي كلمتين
في جواب و صوره
ويا حبة زكريات
أقرا الجواب والصوره
أحضنها بعنيا
و بزكراياتنا أفتكر
كل اللي فات
وان كان لابد من السفر
دايما تعالي
في الحلم اشوفك تاني
واطمن عليك
تحكيلي من آخر ما يوم
كنا سوا
عللي جرى في البعد
وعنيا ف عنيك
خليني اقرب ليك
واعيش في الحلم جنبك
وان شالله نبقي انا وانت
فيه ولو ساعات
نهمس لبعض بحبنا
ونتهني بيه
و نحس بالشوق وقتها
ونقول حاجات
ما هو حلمنا مع بعض
من بعد الغياب
في القرب هو و بس
دا الأمل الوحيد
قدامنا إيه يا حبيبي
قوللي غير كدا ؟
وانا شايفه شوقنا كل يوم
عن يوم يزيد ؟!!!
مستنياك وان طال فراقنا
كام سنه
ولاعمري حسيت يوم في
بعدك بالهنا
مستنياك و معاك بلاقي
فرحتي
واللي انت بتحسه بحسه
أكيد أنا
واللي انت بتحسه
بحسه أكيد أنا
التعليقات مغلقة.