ساقطين تاريخ شعر نجلاء الشنواني
دوس ع الزناد والقنبلة
واضرب صاروخك في الرجال
غمغم عيونك ويا عقلك يا غبي
انت الخيانة ف مذهبي
ما قتلتنيش
أزهقت روحي ف الفنا علشان اعيش
اشلائي مبدورة في أرضي بترتوي …
بالدم تطرح ملحمة
تبدأ بما بدأ الأذان
“الله أكبر فوق كيد المعتدي “
الله أكبر والسلاح قرآن ونار
تحرق وساوس حلمكم بالانتصار
يا مهزومين من نفسكم ازاي قولولي هتوصلوا
جثامين أسودنا يمنعوكوا تكملوا
والدرس مهما اتعاد عليكم أغبيا
في كل مرة بترجعوا جارين خيبتكم والوبال
ما تفكروش الشهدا منا بيحزنوا
حتى الأهالي لو بكوا رافعين جباههم للسما
فازوا بشهيد
الجرح حتى ان كان جديد راح يلتئم
طول ما الوطن رافع حدوده .. فوق صوارينا اللي حاضنة .. للعلم
انتم رمم
لعناكوا بطن الأرض كارهة حقدكم
ما موهومين ما تعشموش
هنخلي أحلامكم فاشوش
طول ما الجنود بايعين نفوسهم للإله
يحيا الوطن
لو حتى عاش مليون شهيد
التعليقات مغلقة.