سجال مشترك بين المبدعة ناهد الموجي والفلاح الفصيح معوض حلمي شاعر عامية
كتبت ناهد الموجي
ويابلدي
بحبك توتة على أرضي
وفارس لما صان عرضي
امام بيؤمني ف فرضي
مصربحبك يا حلا الايام،،،،،،
يا ونسي لما بصحى وانام
حقيقة أحلى م الاحلام
مصربحبك طينة من نيلي،،،،،
وايد ساندة قوي حيلي،،،
وبتبعتر سواد ليلي،،،،،
مصربحبك كسرة من عيشي
وهدمة حتى لو خيشي
وامن بيبدره جيشي،،،،
مصربحبك مطرة هدارة
وود وألفة فى الحارة
وقعدة اونس مع جارة
مصربحب اسمع مواويلك،،
ونغمة ناي على نيلك،،
ودقة خطوة من خيلك
مصرما فيش جوايا خوف ورياء
وكلي يا حبيبتي وفاء
بحبك م الالف للياء
وقال الفلاح الفصيح سواقي وأراضي
يابلدي ……… الأبيه
ياحره …….. وعفيه
رسمتك ..... قصادي
سواقي ... واراضي
يازرعي ... وحصادي
وخيري اللي زاديابانيه ….. المصانع
كنايس ……. جوامع
صدرك …….. موانع
وعزمك ……… زناد
يابلدي …….. الأبيه
ياحره ……. وعفيه
يافن …… ومسارح
وضل …… المطارح
وحلمي اللي سارح
وطارح ……… ولاد
يانبعي …. ومعيني
بعينك …… راعيني
قومي …. إندهيني
كاويني …… البعاد
ياطارحه ….. وشال
وحضن …… العيال
ياخفه …….. ودلال
وغاية ……. المراد
يابلدي …….. الأبيه
ياحره ……. وعفيه
ياغله ……. وسنابل
وصوت …… البلابل
ياعزم ……المناضل
في عز ….. الجهاد
ياحنة …… كفوفي
وفاسي وشادوفي
ياعرقي اللي نازل
وراوي ……. العباد
ياشمسي .. وضلي
ووردي …… وفلي
وناسي اللي مني
وصالك …….. وداد
ياراويه .. الشراقي
ياأرض ….. التلاقي
ياحبي اللي باقي
هدايه …… ورشاد
ياحبي اللي باقي
هدايه ……. ورشاد
التعليقات مغلقة.