سجره ومالهاش ضل …
معوض حلمى
……………………………………………
جاور وشوش السعد هاتحس بالجنه
يطرح في قلبك ورد وبيه هاتتهنى
هايمد إيده لإيدك ويداوي جرح
يعجن بإيده الفرح ويقولك اتحنى
انا قلبي واسع براح وضله للغاويين
بيداوي شط جراح وبيهدي ف التايهين
لاعمري خنت العهود ولاسيبت قلبي راغ
ولا سيبت مره فراغ للتوهه والحاسدين
سجرة ومالهاش ضل ، ولا حتى طراحه
وسط الغيطان بتعل ، تلقاها نواحه
الندل لو من لحمك ، تجرحك بلاويه
إقطعه وارميه ، هاتحس بالراحه
مالهم يابويا الناس تايهين في دايره
سابوا الشرف ينداس والعفه فايره
بين الضلال والهدي حبل النجاه
وازي نعيش الحياه وقلوبنا بايره
……………………………………………
بقلمي الفلاح الفصيح
معوض حلمي
منشأة بطاش
تمي الأمديد
دقهلية
التعليقات مغلقة.