سجن العشاق شعر : اشرف الشناوى
وغلاوتك عندى ماليش غيرك
عاشق وباعيش كدا من خيرك
انا فرد حمام بلدى مولف
افرد فى جناحى واطير وارجع
ولا عمرى فى يوم منك هاشبع
ويوماتى بذاكر فى ملامحك
وارسم لك صوره فى وجدانى
عاشق ولاخر ايامى
ولا عمرى فى يوم ابعد عنك
ولا هقدر يوم انسى هواكى
ولا حلمى يكون الا معاكى
انا أصلى ماليش غيرك غيه
وباموت فى عيونك ملاغيه
فبلاش تسيبينى لاوهامى
اكتب واالف فى أغانى
انا عاوزك زى زمان واكتر
تخدينى فى حضنك مش أكتر
وارجع من تانى تدفينى
وارسملك جوايا امانى
ليه كل ملامحك مش هيه
انا كل ماقرب والقاكى
القانى بعيد رغم هواكى
وتعبت خلاص منك جدا
انا قلبى خلاص مش راح يدن
لو مات مش هرجعلك تانى
وان مره لمحتينى فى عشك
خلينى فى سجنك وحدانى
واكتبى عالباب
سجن العشاق
وابدرى عالسور
حبة اشواق
يمكن تنفعنى
فى اعدامى…
التعليقات مغلقة.