سد خانه بقلم احمد زيدان
جوا كل ذكرى خانه
فيها حد كان حبيبك
جوا حد كان يهمك
كنت ديما سد خانه
و الخيانه ليها ناسها
والجراح بتسيب علامه
وانت بردوا لو تدور
جوا ناس تلاقي نفسك
كنت فنجان قهوه ساده
كنت مستني السعاده
فارض الطاعه عباده
كل غرضك من حبيبك
نص ربع جرام سعاده
جوا كل حد فينا
حد تاني كان شارينا
كل جرح حقيقي عشته
حد داقه في يوم بسببى
وبصراحه شوف يسيدى
مرة واحد حب واحدة
بس هي ما حبتوش
حد تاني كان شاغلها
بس هي ما شغلتوش
زي كمياء و داء لعين
حب زايف بالوشوش
أن اتاك الحب طوعاً
إجلده و ما ترحموش
كلنا بنسد خانه
ابرياء لكن وحوش
التعليقات مغلقة.