سرح الخيال …بقلمى الشاعر/ جمال زكى عينر
سرح الخيال
وفردت فى الفضا ريشي
والحلو مال
وحن لعشتى ولعيشى
قاللى لا مال
ولا جاه ولا ثروة
يكفيني انك تكون
وطنى وعزوتى وجيشى
سرح الخيال
وطاف على بالي
تتغير الأحوال
وينعدل حالي
وما دام حبيبي وعدني
حيجيني ويكون لي
ويبقى انيس وحدتي
في عشنا الخالي
مش عايز منك يا دنيا
غير تبعدي عني
ولا عايز من الاحلام
لا رخيص ولا غالي
سرح الخيال
وحبيبي طمني
أبقى له عم وخال
ومفيش غنى عني
وما دام حبيبي قال
مفيش كلام بعديه
ده كلامه عال العال
على عيني والنني
روح بقى يا خيال
كفاياك كده سرحان
نفسي يروق البال
بلا وهم بلا توهان
حبيبي جاني وحقق
كل اللي جه ف بالي
حاعيش معاه ع الأرض
وانزل من العالي
كفاياني طير في الفضا
عشة حبيبي أمان
التعليقات مغلقة.