سـفينة…شعر يوسف الخواجه
يادنياماشية
زي السفينة
سايرة بينا
ساعة ف صحارى
بين الجبال
ساعة ف مدينة
إمتى ركبنا
فوقك وجينا
إزاى جيناك
إزاى مشينا
حتى ان قعدنا
برضه لميعادنا
سايرة بينا
………………
بحرك غريق
بحرالزمن
مليان دموع
مليان آهات
دموع لقا
دموع فراق
والذكريات
فى كل مينا
وغصب عنا
ماشية بينا
مينا فرح
مينا عذاب
ميناشباب
مينا ضباب
وليه فرحنا؟
وليه بكينا؟
……………
والعمرضايع
من ايدينا؟
وف لحظة
بيضيع الشباب
نلقى الأمل
طريق ضباب
ومانلقى غيربحرالزمن
والذكريات
تبكي علينا
ساعتهابس ح نفتكر
إن الحياة
راحت علينا
والسفينةماشيةبينا
حتى إن وقفنا
أو مشينا
رحلة ومكتوبة علينا
……………..
ياخوفى منك يا سفينة
مهما مشيتى
وسرتى بينا
بلاد لقا
بلاد فراق
لفيتى بينا
راح توصلى
آخرالمشوار
وابعد أنا
من غير انذار
وتنقطع كل الأخبار
وأتوه أنا
من غير مينا
من غير مينا
التعليقات مغلقة، ولكن تركبكس وبينغبكس مفتوحة.