سكران…بقلم وحيد علي الجمال
زيدي الجرح كمان وكمان
واعملي منه عصير أحزان
اشربي وارمي الكاس الفاضي
أنا من سكرك لسه بعاني
نفسي في مرة أشوفك فايقة
تمسكي إيد الدنيا العايقة
تتنعمي في الفرح الدايب
وتوقعي في حضوري غياب
من مجموع أحلام الشايب
رجعي بحر الحب شباب
نفسي اعملك قلبي سبايك
واشغله عقد ياقوت مرجان
اوعي يغرك قشر الفالصو
عمر الفرح ماكان في المال
أو في عماير أو سلطان
أصل الفرح شجرته عزيزة
مابتكبرش وتبقى لذيذة
غير في جناين راحة البال
لمعة عينك فين ياحبيبتي
غايبة بقالها كتير عن قلبي
لما بشوفها دايما اسمي
بسمع طير السما بيغني
وادخل جوه نعيم النني
زي ما اكون من روحي
سابتني
واتحولت في حبك جني
لأجل يفك العمل السفلي
من أوهام الشك القاتل
جوه حجاب الحزن الداكن
تخرجي منه بفرح مراسي
تفردي بينا الحضن الدافي
نفسي أشوفك بره ظروفك
رغم عيوبي ورغم عيوبك
راضية بجبر عظيم الخاطر
حاجه أخيرة بس خطيرة
أنا مدمن في الحب أسيرك
عايش جوه حدودك صاحي
انا في عينيكي ببات سكران
…….. ……..
……..وحيد علي الجمال……….
التعليقات مغلقة، ولكن تركبكس وبينغبكس مفتوحة.