سلام ربى على طه بقلمى إسماعيل أبو شليل
فداك الروح يا أغلى من محبينى
لك الأفضال عليا فى دنيتي و دينى
و فى الآخرة الشفاعة راح تنجينى
لو الخيرات كانت ناقصة ف موازينى
بفضل الله و رحمة طه بالأمة
يزول الضر و يا الهم و الغمة
أنا عاجز و قلبى ضعيف بلا همة
لكن أملى أكون فى الخير على القمة
أنا خطاء بنى آدم و دا طبعى
لكن ربى غفور للذنب يهدينى
و لو بلغت ذنوبى جبال
على ربى ما أقولش محال
دا ينسفها و يعطينى
بحجم الأرض رحماته و مغفرته
و أقرب باع قصاده ذراع يأتينى
أنا عشمان فى وجه كريم ياخد ايدى
و بالأخلاق الحلوة أتقرب و يعطينى
مكان ومكانة فى الجنة
فى صحبة طه و اتهنى
أنا عشمان و حسن الفال من الإسلام
و مستبشر أنول القرب و المنة
سلام ربى على أحمد
شفيعى و هو نبراسى
جميل الخلقة و الأخلاق
و تاج راسى
و سيرته عطر أيامنا
التعليقات مغلقة.