سلمى قلب شعر.. أشرف الشناوي
سلمى قلبك لقلبى
وانتى هاتشوفى
اللى عندى
ليه تعاندى
الهوى زى النصيب
لما يطلع سهم منه
يبقى حتما راح يصيب
قلبى يامرما الرماه
والرضا اكبر مناه
رغم جرحك راضى بيكى
حتى لو مات من هواه
قلبى لسه اخضر منعنع
مهما داق منك قساوه
ينتفش ويعلا ويفعفع
قلبى مطمع للغزاه
وانتى قلبك جيش لوحده
زلزل الارض اللى تحته
سلمت باسم الاله
سلمى قلبك وشوفى
تلقى نبضك من حروفى
قلبى كعبه تحجى ليها
كل ساعه تعدى طوفى
واعملى كل المناسك
قلبى مخلوق ولمقاسك
بس لما تخشى جوا
اقلعى عالباب مداسك …………
اشرف الشناوى
شاعر عاميه
المنصوره
البرامون
التعليقات مغلقة.