سماح …
بقلم :سيد جعيتم
سماح
قبل الفراق كنت فاكر
أني لما اطير مهاجر
ألقى كل الكون براح
و افترقنا بس قلبي
لسه مليان بالجراح
لسه مكسور الجناح
عايشة روحي وسط عتمة
وسط ليل من غير صباح
صدقيني
كنت فاكر وانا ناوي
إني قادر ع البعاد
ويوم ها الاقي طبيب مداوي
يشفي روحي من الامي
ورغم أن العمر فات
لسه عايشة الذكريات
بس مسجونه في قمقم
فيه طلاسم ع الحيطان
يا ابن ادم اوعى تحلم
او تفكر في الرجوع
بقلم :سيد جعيتم
جمهورية مصر العربية
التعليقات مغلقة.