سمّوني إسم و كان غلط
بقلم إبراهيم الشرقاوي
مكنتش أعرف
مكنتش أعرف إنى جاى
للمشاكل و العذاب
مكنتش أعرف أي فكرة
عن القرف و الإكتئاب
وإن كنت أعرف
كان رفضى هيكون الجواب
لحظة ولادتى فجأه سمعت هيصة
هاتوا حقنه جاهزة بسرعه
قيدوا ياللى أي شاشة
خلوها تولد قيصرى قبل الجنين ما يموت منها
واتكركبت كل الدكاتره وكل زاويه ف شغلها
لحقوها ولدت إبنها
سألوها نكتب إسمه إيه
فرحانه طبعا بإبنها
قالتلهم د أنا إبنى بيه
سموه سعيد
وف يوم ميلاده
تعملوله أحلى عيد
علي إيه يخلو إسمي سعيد
وأنا عيشتى من يوم ما اتولدت
هي المشاكل و العذاب
صفحات و فاضية ف الكتاب
حبة ورق متقطعين
عيشة القرف و الاكتئاب
شايف مشاكل عمر تانى
شايفها واقفه بعيد عشانى
و أنا لسه عندى مشكلة
أخلص يادوب من واحده
تطلع الف واحده منيله
عايش حياتي اليوم بحاله بهدلة و مافيهش راحة
و اليوم حسبته لقيته ييجي فوق 100 الف ساعه
كل اللى عيشته جراح كتير
مع إني يومى
ده اللى محتاج له الجراحه
دقت المرار من يوم ميلادي
شفت العذاب ف عيون خواتى
و بعد كل ده بردوا اسمى
رميه بعيد جوه الورق
و أنا عشتى كِرهْت نفسها
و الحلو فيها بيتحرق
و ليه يخلوا ميلادي عيد
شايفيننى يعنى خلاص سعيد
من كتر أفراحى و عايزينني أحتفل
كل كام شهر إحتفال و يكون جديد
عايش ما بين ورقه بدولار و المصلحة
و معايا فيزا كارد و رزمة فلوس ومصححه
عربيتى كنت راكنها جنب المزرعة
مفاتحها آهي جوه المادلية
و كل لحظة أصرف فلوس
بالفنطزه و بالعنتظه
أول ما اخدت شهادتى كتبوا
تجينا الصبح بدرى و تشتغل
مفيش عطاله و لا فيه بطاله
و فيه عمل
و كل أول شهر الاقى مرتبى
بيدق بابى عشان خلاص كله اكتمل
وإن حسيت يوم بالتعب
تيجينى دكاتره صح و معاها الدوا
بأصرف فى كل حياتي مصاريف بالهبل
ما المرتب منه يكفى و فيه زياده
لا بطلب التموين ف يوم
و لا محتاج منه حاجه
فلوسى كل يوم تزيد
و منها بأدى للغلابة
عربيتى بنزينها ببلاش
و حياتى سعد و ف انتعاش
لا فيه مُسكّن عمرى بأخده
و لا حتى بأشرب م الأساس
د أنا عمرى كله شوية نقط
مكتوبه بالخط الرصاص !!!!
سمونى عكس شريط حياتى
من غير طلب و لا التماس !!
التعليقات مغلقة.