سنين العمر…گلمات ؛ أشرف يوسف
سنين العمر بتعدى ف ثواني
ووقت الساعه محسوب بالثواني
ما تيجي نحب بعض ولو ثواني
وهو العمر فيه إيه غير ثواني
ساعاتنا الحلوه فى الدنيا بتجري
تعالى نعيشها بالشوق و الأماني
ونحلم باللى جاى عشان اللى عدى
خلاص عدى ومش هيجينا تاني
نحب بقلبنا ونحلم ببگره
مدام اللى احنا فيه راح يبقى ذگرى
وهى الدنيا إيه غير الأماني
عشان فيها القلوب تزعل وتگره
حبيبي ياللي أگتر من حبيبي
تعالى ندوب فى أيامنا الجميله
وندخل من هنا بيت السعاده
من الليله يا روحي وگل ليله
نجومنا فى السما تسهر تغني
ومن شوقنا تغير منك ومني
ونتقابل. مع الفرحه ونضحك
أنا وانت فى ليلة ما تقابلني
مفيش أجمل من الحب وحياته
ولا أحلى يا روحي من ساعاته
تعالى نحب زى ما غيرنا حب
ونحلم بيه. بشوقه و زگرياته
حلاوة حبنا وشوقنا وهوانا
وفرحة قلبنا بليلنا و سمانا
وأيامنا اللى دايما فيها نحلم
بأشواقنا و فرحتنا بلقانا
وادينا يا حبيبي الوقتي جينا
وأيامنا الجميله بتنادينا
حبيبي هو فيه أحلى و أجمل
من الدنيا إللى فيها إتلاقينا؟
الأحد بتاريخ ٢٠٢١/٩/١٣م
بقلم الشاعر أشرف يوسف
من ديواني شروق وغروب
التعليقات مغلقة.