” سنين العمر ” بقلم / الشاعر محمد الشناوي الشيوي
سنين العمر ياجايه
ألاقي لي مكان فيكي
أقولك لأمش الفكره
أبوس.الضي في عنيكي
أكون زهره ماليها الخوف
وسكه حب تطويكي
وأتمايل علي فرسي
إللي كان جامح
في عز الليل بيرعبني
وبتعلق بنور الشمس
في ليل ونهار يناجيكي
وتضحكلك زهور الفل
علي خصرك .. وتتمايل
ولو هاأعشق لحد الموت
يادنيا سكوت منيش قايل
أموت والسر في عنيكي
بنات الحور حواليكي
ضيا شمسك سكون ليلك
فزع نيلك صدي همسك
ياحاسرة قلوب أعاديكي
و هتمشي .. وأهي دنيا
نعيش جواها نتجمل
ندوق المر أيه يعني
عشان خاطرك هنتحمل
وأحطك في حبابي العين
وأشوف بيكي
وأكتب في. الغرام قصه
فارسها نحيل ..
يقول للدنيا غنيوه
بحس جميل
ياطايح في البشر سيفك
داماله عويل..
واهو واحد من إياهم
وبكره إبنك يعود ليكي
يلملم شعرك الطائر
يلم قلوب حواليكي
وترجع بسمتك فرحه
تنام الشمس في إديكي
سنينن العمر ياجايه
ألاقي لي مكان فيكي
التعليقات مغلقة.