سنين العمر بقلم… محمد سيوفي
سنين العمر حساب بنكى
ليك تسحبه وملكش إيداع
رصيد يخلص وناس تبكى
وناس تكتب أغانى وداع
..
رصيد مكتوب من الأول
وملكش إراده فى نهايته
لكن مطلوب من الأول
تعيشه برضا ودى حلاوته
..
مالوش سحب ع المكشوف
والصرف لازم يكون بحساب
ومهما قابلت حياتنا ظروف
نتعشم فى رحمة التواب
..
سنين العمر صحبة ورد
أكيد تدبل وده معادنا
بنسقيها محبه و ود
تكون ذكرى لأحفادنا
محمد سيوفى
التعليقات مغلقة.