سهرانه… كلمات أشرف يوسف
سهرانه لوحدى يا حبيبي
ومفيش غير صورتك ويايا
ونجوم الليل بتوشوشني
والشوق وغرامك جوايا
وانا عايشه معاهم ولوحدي
ودموعى بتنزل على خدي
وافتگرك. وساعاتى ف بعدك
مش عايزه تمر ولا تعدي
وبصبر نفسى ومش قادره
على بعدك أبدا ولا ثانيه
ولا نوم بيجيني فى بيعادك
ولا حاسه بفرحتى فى الدنيا
واستنى جواب منك يجي
أقراه ويصبرنى شويه
وانا بگتب يا حبيبي جوابك
من قلبي وبخط إيديه
وتاخدنى مشاعرى وأحاسيسي
فى هواك وانا بحلم برجوعك
مع أول گلمه تقولهالي
ودموعى بتغرق فى دموعك
وليلاتى أعيش نفس القصه
واحلم بلقاك والاقيك لسه
ياحبيبي ما جيتش ورغم
البعد
ألاقيني . بوجودك. حاسه
مش قد فراقك ولا بعدك
إرجع يا حبيبي وتعالى
النار جوايا بقت قايده
لا جواب يطفيها ولا رساله
ما تسيبش الأشواق تگويني
وانا دايبه ف بعدك بحنيني
گل اللي بفگر فيه إمتي
ترجع يا حبيبي وتجيني
بتاريخ ٢٠٢١/٧/٢٩م الخميس
بقلم الشاعر أشرف يوسف
من ديوانى غنوه وحدوته
التعليقات مغلقة.