سهره جميله ” أغنية جديدة ” كلمات الشاعر : أشرف يوسف
زي ما كانت فارقه معايا
برضه دي كانت فارقه معاك
ما احنا بنشبه بعض ياروحي
علشان كده مش قادره انساك
إللي تحسه بقلبك دايما
قلبي بيشعر بيه و يحسه
إتعودت هواك يا حبيبي
عيني تنام و تقوم علي حسه
شوف دنيتنا حلوه ازاي؟!!!
جايبه الفرحه في بكره الجاي
بتفكرنا بقاعده جميله
مع كام سهره و فنجان شاي
وقمر طالع والسما صافيه
جوا قلوبنا مشاعر دافيه
أصل الحب يا ناس برضانا
ومفيش حاجه بتيجي بالعافيه
لا اتعودنا غياب و لا صد
و لا في هوانا بنشكي لحد
بعت الشوق مرسال لقلوبنا
و احنا بعتنا معاه الرد
واحنا بعتنا
معاه الرد
التعليقات مغلقة.