سوشيال ميديا بقلم.محمد عباس
بندوس ع الدنيا
بحذافيرها
بترند وزاحم
واسرها
راح يقضي
علي الصحوه
وغيرها
ويدمر في بيوتنا
راجالها
…………………..
و كتير من الناس
كتر خيرها
بتفوت علي الثوره
تغني لها
وتنادي نيلها ومياهه
يارب استرها وعدلها
………………….
ارصدة في بنوك
هربت بره
والعملة صبحت
في مضره
وبقينا نشكك
في سطورنا
بتنمر واضح
في ظهورنا
……………………….
يازمنا وزايد
في رجوعك
اخلاقنا اندثرت
في ربوعك
هنعيش وهنحكي
في دموعك
وكتير من ناس
ضد سطوعك
………………
انا فايت روحي
في سماها
وفي مركبه تغرق
في هواها
ويمر علي الوقت
نداها
وبايدي بجاهر
في بلاها
…………….
لونحمي
نفسنا وولادنا
ونخاف علي
النعمه اللي في ايدنا
اليوم هيعدي يفرحنا
ولافكرة تعكر مطارحنا
…………….
نتحاسب
وفي ثانية نفكر
وبدون تعتيم والا تكدر
الوقت امانه بيتقدر
كام واحد منا بيكبر
…………………….
الله اكبر في حياتنا
الله اكبر في وطنا
عايزين الناس تحيي املنا
بايدين تحميها وتدعيلنا
…………………
عايزين نعدي بامانه
والفرحه تكون من جوانا
وعشان حاضرنا يهوانا
هنقول يارب في خطانا
………………………
وهننسي الحزن في مراسينا
وهنسعد نفسنا في ماضينا
ونصلي وندعي في صباحنا
قبل ماالناس تبكي علينا
…………………
هنجدد حلمنا في رساله
وننادي في الخلق امانه
الوقت في رقابنا وبوحنا
للفوز بالجنه وحمانا
…………………….
بالميديا ضيعنا العالم
اشاعات وسموم لاجل غنايم
لوصاحي كنت اونايم
فكر لتكون اغني بهايم
……………….
سلاح التك توك يقتلنا
بيدمر في عقولنا وجيلنا
والميديا بتبث سمومها
والحرب دايره بتالمنا
………………………
افلام اغراء تغوي شبابنا
شعبنا متدين وفي محنه
قهرونا وعصفوا في ديارنا
بالشابوه والجهل وروحنا
التعليقات مغلقة.