سوق النخاسة
بقلم سيد جعيتم
سوق النخاسة
وسط الزحام
على الرصيف
الغالي رخيص
تتباع فطيس
احلامك وأوهامك
وحتي أيامك
وسط الميدان
أبو وش رخام
مفيهوش تقاطيع
دلدول سيده
واقف بيبيع
والحلم مات جواه
خيال مأته
مصنوعة من خيط
لا تنقذ ارض
ولا تحرس غيط
حكاية عواد
تاني بتتعاد
(عواد با أرضه
علي طوله عرضه
يا ولاد غنوله
علي عرضه وطوله)
قواد فتح المزاد
الا دونا.. الا تري
وقرب يالا وشوف
اللعب ع المكشوف
قرب جرب
قبل ما تخرب
خدلك لهطة
لف الزمان ودار
وف صحن الدار
لسه بلفته
طفل
حلمه خَضار
حدف الحجر
في البير
ثار وفار
جي الوليد
معاه الف نهار
بقلم: سيد جعيتم
جمهورية مصر العربية
التعليقات مغلقة.