سيبونى من ديوان حرف المشاعر بقلم الشاعر محمود فوده
سيبـــونــي عـــايش فيـــها حَــبه لو يومين
تعبت من غــــدر القلــــوب ميـــن زي ميــن
مش قــــدر اكمــــل فيــــها ليه من غـدركـم
كفايـــه قلبــي بيشتكـــى منكـــــــــم سنين
كل اما اعيشها وقلبـــــي يفـرح تجرحــوني
كل اما قلبــــــي بيشتــــري ليـــــه بتبعوني
ليــــه بس غــــدر الدنيـــــا دا من طبعكـــم
لو عـــومت حبــــه فــي وسطكم بتغرقوني
قولولـــي إمتــــه كنت خـــــــاين حـد فيكم
دا لو بعـــــدتم قلبــــي كان بســـأل عليــكم
أمـــا أنــا لـــو غيبت عنكـــــم ميت سنـــــه
دايمـــــاً بلاقــــي طبـــــع النداله بيشتهيكم
قلبـــي فـــاض به م العــــذاب ولا حد داري
وآدي الصفـــح جـــوا الكتاب توصف مراري
كتب القلـــم كــــم جــــرح عدي ملوش دوا
ولســـه فيــه كم جــرح زيــه في انتظــاري
إشمعنـا انا حــزن الهــوى كان مالــي كاسـي
ولا شفت فيك الفــرح مره ولا كنت راســـي
حتـــى اللــي كانـــوا فيـــها أغلــــى الناس
جرحـــوني ليه وانا منَّهم واهانوا إحساسي
لمــــا جيت اكتب حكايتـــي لقتنــي ببكــي
قـــام القلـــم مَيِّـــــل عليـــــا وقـالي إحكي
هكتب بدمعـــك كل جــــرح عانيتـه فيـــها
إوعـــى تانــــي تقولـــي قلبي مكنش ملكي
حبة حـــروف علـى الورق توصف معانــــي
إزاى انا عمـــــري اتســــرق منكــــم بعانـي
ازاى هعيش عليــها تانــــي فــــي كدبكــــم
مكفايه حزن الدنيا ضيعنــي فــــي زمانـــي
التعليقات مغلقة.