سيبى قلبي بقلم اشرف الشناوى شاعر عاميه البرامون المنصوره
سيبى قلبى كفايه حبه
حسسيه معنى المحبه
وازرعى فيه عود غرام
والا دا يعنى حرام
تحرميه م الشوق تملى
تحرميه لو قام يصلى
عرفيه معنى الامان
نوريه بالحب تانى
قبل مايسك البيبان
سيبى قلبى كفايه حبه
ورجعيه زى ماكان
قلب مايعرف هزايم
او عزايم من زمان
قلبى ياما شال وعدى
عمره مره مكنش سكا
والا سلم ليكى عكا
والا سلملك جنوده
كان تملى يحب دايما
انه يثبت لك وجوده
لو صحيح عاوزاه يكمل
رجعى كامل حقوقه
سيبى قلبى كفايه حبه
قبل مالاوهام تسوقه
او يشيل السيف ويقتل
اى حد يجر سوؤه
طبطبى عالقلب يهدى
والا يعنى الحب لعبه
ترمى فيه الشوق وتجرى
تقلبى فى الحب عبرى
قلبى شايلك جوا منه
اوعى مره تقلى منه
عمره مره ماحب ابدا
حد يلعب بيه ويذله
قلبى لو قطع لجامه
راح يدوس الكل ويرمح
مش هاينفع يوم عتابه
قلبى مهر ان يوم حرن
راح يدوس حتما صحابه
طبطبى عالقلب يهدى
واحكمى فى ايدك تمامه
سيبى قلبى كفايه حبه
واسمعى دايما كلامه
هتلاقيه شايلك وطاير
حتى لو شايفك الاااامه
قلبى لو حبك بجد
راح يشوف قلبك امامه
التعليقات مغلقة.