سيناريو…مانع العمر
لعبد الصاحب إبراهيم
،،،،،،،،،،،
المشهد الاول،،،
من احياء البصرة القديمة –خارجي -ليلي
لقطة كبيرة لاحدى أحياء مدينة البصرة
الكاميرا. تتجول في الحي، نجد على جدران.الازقة،صور الزعيم عبد الكريم قاسم، الهدوء والسكينة والهدوء تعم الحي سيارة اجرة تجتاز الحي و تقف عند احد البيوت ،شاب في الثالثة والعشرين،وسيم المنظر،يترك سيارة الاجرة، كما يترك السائق السيارة ويفتح الصندوق الخلفي ، لقطة قريبة للصندوق ، في الصندوق كارتون مستطيل الشكل ،يرفع الشاب الكارتون ،ويطرق الباب،سيارة الاجرة تعود ادراجها،يفتح جواد صبي في الرابعة عشر، باب المنزل ،فتح وغلق الباب يحدث صوتا
صوت الأم( خارج الكادر.) -منو
جواد-يوم. صادق. إجه. ،
صادق يفقد توازنه ويكاد الكارتون ان يقع من يده ،،يسرع جواد ليأخذ الكارتون من يد اخيه صادق ،صادق يستجمع قواه ويحافظ على توازنه
صادق-ثقيل ما تقدر
المشهد الثاني
منزل جواد -غرفة الضيوف -ليلي-داخلي- غرفة كبيرة ،تحيطها الكنبات العراقية الخشبية المعروفة ، ، صورة الزعيم عبد الكريم تتوسط حائط الغرفة
يفتح صادق الكارتون ويخرج منه مسجلا كبيرا
جواد – ،هذا مسجل؟
صادق – بعد منا وماشي راح نسجل كل شي ،انسوي تمثيليات
المشهد الثالث
المطبخ – ليلي-داخلي
مطبخ صغير ،كل مافيه براد خشبي وطباخ نفطي ،والأم مشغولة بإعداد طعام العشاء،يدخل جواد للمطبخ
جواد – ها يوم صار العشه
الأم – يصير ،شنو هل الخبصة بغرفة الضيوف
جواد- صادق جايب مسجل
الأم – مسجل اشلونه
جواد – كبير. امبين غالي
الأم -بالعافية عليكم
المشهد. الرابع
غرفة الضيوف -ليلي-داخلي
في ركن من الغرفة ، منضدة ، وضع صادق عليهاجهاز التسجيل يقوم بتنظيمه ،بكل فخر واعتزاز ، يدخل جواد ومعه قنينتان للماء يعطي قنينة لاخيه فيشرب نصفها .ثم ، يختبرصوت المسجل ،
صادق-الو. الو. صوتي زين. اني صادق
جواد-اي زين كلش. زين
صادق-جواد. مو جاي يسجل
جواد-اني ما قلت شي
يقطع. صادق التسجيل. وينظر إلى جواد بعصبية
صادق- خلي افحص الجهاز ، وبعدين اشكد ما يعجبك أتكلم
يضغط صادق على احدى الإزار، يعود الشريط الي الاول، يعاود صادق تشغل الجهاز ثانية،
جواد-اشتغل
صادق-،اسكت شويه خلي نفحص
آلة التسجيل- الو. الو. صوتي زين. اني صادق
صادق يبتسم لقطة قريبة على وجه جواد ، وصوت الة التسجيل عليه
آلة التسجيل-اي زين. كلش زين
صادق- جواد، مو جاي يسجل
جواد-اني قلت شي
يصفق جواد ،ويقفز فرحا
، جواد ،-شفت.خويه صوتي اشكد زين
صادق- هو انت اش كلت
في الاثناء ،يدخل رزاق للغرفة. تقع عينيه على آلة التسجيل
رزاق- ها. خويه اشلونه المسجل
صادق -روعه. ،لحظه واسمعك التسجيل ،
يقوم صادق بإعادة الشريط الى الاول. ويضغط على زر التسجيل ،صوت الة التسجيل على وجه صادق
آلة التسجيل- الو ،الو،الصوت زين. اني صادق
صادق-سمعت خويه صوتي
آلة التسجيل-صوتي زين
يبتسم رزاق وينظر الي جواد
رزاق-هاي انت
جواد،-يضحك فرحا
اي نعم
صادق – منا وماشي راح يصير عدنه نشاط تسجيلي
جواد – يعني اشلون
صادق – نمثل. اول عمل بهذا المسجل
رزاق- شنو نمثل
صادق -فيلم رصيف رقم 5. خوب. انت شايفه
رزاق-خمس مرات.
صادق -انت تمثل دور محمود المليجي واني فريد شوقي ، خو ما ناسي القصة
رزاق- اشلون انسهه رصيف نمرة 5 الفيلم من إخراج نيازى مصطفى
صادق- ومن بطولة فريد شوقي. يعني من بطولتي ومحمود المليجي وهدى سلطان
رزاق- خلاصة الفلم ، “الشاويش خميس” من قوات البحرية تنقتل زوجته ويسرقون سلاحه فيفصلوه من الخدمة كل هذا يتم على يد عصابة لتهريب المخدرات فيسعى فريد شوقي للإيقاع بهم
صادق-عفية عليك خويه.
جواد- واني شامثل
صادق- دور شرطي ، حارس، بواب
جواد-خويه اني صرت رجال. من باجر اداوم. بالمتوسطه.
صادق – المهم. الأداء.
المشهد الخامس
ساحة المدرسة – صباحي-خارجي
عدد من طلاب الصف السادس ،اجتمعوا في الساحة وشكلوا صفا طويلا ، يلقي جواد ،نظرة صوب الكاتب ، تبدو السنوات الست التي مضت لم تغير منه شيئا
المشهد السادس. فلاش بك
يقف الكاتب خلف مكتبه ويرمي نظرة صوب الطابور نرى في الطابور بدرية وهي تمسك بيد جواد الصغير ذو السابعة من عمره
الكاتب- احنه بعد نص ساعة نروح للغده،انصحكم روحوا اتغدوا ، بس هل الخمسة الكدامي يبقون
يجلس الكاتب في مكانه
المشهد السابع
ساحة المدرسة- صباحي- خارجي
طالبان امام جواد. في الطابور، الكاتب خلف مكتبه والى جانبه يقف الفراش،يحمل بيده كيسا صغيرا من القماش
يتقدم الطالب صوب الكاتب
الكاتب-اسمك
الطالب- صبيح محمد فاضل
يقلب الكاتب الشهادات وهو يردد الاسم
الكاتب- صبيح. صبيح. صبيح محسن فاضل
الطالب – استاذ. اني صبيح محمد فاضل
الكاتب- صح. اعرفت
تقع عينيه على الشهادة ،يمد الطالب يده في جيبه
الفراش-ها استاذ. ناجح
الكاتب-ضيع عليك الانعامية. ينظر الي صبيح)
مكمل بالعربي. 45
،الفراش-ولاتهتم تنجح.
العريي. سهل
يستلم الطالب شهادته ويترك المكان
يقترب الطالب الذي يقف امام جواد ،يرفع الكاتب نحو لطالب ،يعرفة ابتدأ
الكاتب-اشلونك قيس؟
الطالب-اشكرك استاذ
يتفحص الكاتب الشهادات ،ويضع يدة
على شهادة قيس
الكاتب-عفيه عليك ناجح بمعدل تسعين، طلع الاكرامية
يمد الطالب ويخرج من جيبه ربع دينار
لطالب-تفضل
ياخذ الفراش منه المبلغ ويضعه في كيس القماش
ينسحب الطالب ،فيصبح جواد وجها لوجه مع الكاتب
جواد- اسمي جواد محمد ابراهيم
الكاتب-اعرفك، اكو واحدد بالمدرسة. ما يعرفك
يبحث بين الشهادات. دون ان يرفع رأسه يخاطب جواد
الكاتب – انت لازم تراجع المدير
جواد-اراجع المدير
المشهد الثامن- فلاش بك
ساحة المدرسة صباحي خارجي
قبل ست سنوات خلت ،بدرية وأمه جواد صغيرا يقفون وجها لوجه مع الكاتب
الكاتب،-الولد عمره عشر سنين ، ما يقبلوه بالنهاري
يسلمهاالكاتب الأوراق
لكاتب-لازم يداوم مسائي
بدريه،- ،،اشلون يمه.
الكاتب-القانون. يقول
بدرية- هذا اشلون قانون جاهل عمره سبع سنين ،يداوم ويه الزلم ،
الكاتب – وثقيته تكول
عمره عشر سنيين
بدرية-وثيقته غلط.
الكاتب- غلط لو صح هاي التعليمات
المشهد التاسع
ساحة المدرسة –صباحي. خارجي
جواد سرح بعيدا ، والكاتب يضحك عاليا
الكاتب-جواد وين صرت؟
جواد(- ينتبه)-اروح للمدير؟
الكاتب-ليش. ، اشعندك ويه المدير ،؟
اخذ شهادتك.
ناجح الكاميرا تلاحق جواد
الارض لا تطيقه ،يمد يده في جيبه ويخرج عملة ورقية يناولها للفراش ويمد يده للكاتب مصافحا ،يقف الكاتب خلف مكتبه يصافح جواد بدوره ،جواد ولا يدري ماذا يفعل ، يتجه صوب مكتب المدير ،يطرق باب المدير
المشهد العاشر
مكتب المدير -داخلي -صباحي
، المدير جالس خلف مكتبه ما ان يرى جواد حتى يقف احتراما
جواد- سلام استاذ. هو ايه تعبتكم وياي اريد اشكرك. استاذ
المدير ،- . ماكو داعي. للشكر انت طالب شاطر
المدير- تذكرت يوم غيبتك الطويلة واصرارك على المواصلة
المشهد الحادي عشر – فلاش بك
مكتب مدير المدرسة-داخلي -صباحي
جواد جالس على الكرسي ويعتمد على عكاز،يبدوا انه انتهى من اداء الامتحان ،جواد يلقي نظرة على ورقة الامتحان ،يسلمها للمعلم ،المعلم يصحح الورقة ،يبتسم ،
المعلم-عفية عليك جواد
المدير-اشلونه
المعلم،-حصل سبعه من عشرة
المدير-مبروك جواد ،ناجح تقدر اداوم من هسه. بصفك
جواد-اشكركم هوايه
يقوم من مكانه
جواد -اروح الصف
المدير-تحتاج مساعده
جواد- لا. اروح. يقوم معتمدا على العكازات
المشهد الثاني عشر ( ديزال )
مكتب المدير عند باب المكتب -داخلي-صباحي.
يتلاشى ( المشهد السابق. الثامن)
جواد صغيرا معتمدا على عكازات ،يلتفت جواد ذو السابعة من عمره صوب المدير، يتلاشى التصوير. المشهد في الحاضر
جواد-مع السلامة
المدير- مع السلامه
يترك جواد المكتب بخطوات بطيئة ويخرج من الكادر
جواد-لازم اوصل. وما انسه الهدف ركض ومن دون وقوف
المشهد الثالث عشر
ازقة وشوارع البصرة القديمة -صباحي- خارجي
يجتاز جواد الازقة و الشوارع راكضا وشهادته على صدره ،يتلاعب بها الهواء
المشهد الرابع عشر
موقع اخر من أزقة وشوارع البصرة- خارجي-صباحي
بدأ التعب الجسدي واضحا وجليا على جواد ،إلا ان اصراره للوصول للبيت واضحا وجليا
جواد-لازم اوصل ركض. ركض. ركض
المشهد الخامس عشر
ساحة البيت -صباحي- خارجي
الأم. جالسةوسط الساحة وأمامها غسيل تستعمل الصابون في غسل الثياب ،اذ يدخل جواد الي ساحة المنزل فرحا وقد ارهقه التعب وهو يصرخ
جواد -يمه انجحت
تقوم الأم مند مكانها وتأخذ جواد بالاحضان
المشهد السادس عشر
غرفة الضيوف -ليلي–داخلي
رزاق وصادق وحميد بالاضافة إلي جواد شكلوا حلقة لتحليل النص وطريقة تقديمه
صادق- ،قبل.كل شئ لازم نعرف ان تسجيل العمل مو قصدنه منه العرض ،بل نتمرن على الأداء ونقضي ساعات سوية. صح لو مو صح
رزاق وحميد – صح
جواد- بس اني اختلف وياكم
صادق- وانت شنو تفهم
رزاق- خلي جواد يقول اش عندهه ،بعدين ردهه
جواد-والله كلامك صح
صادق -تفضل
جواد-صحيح احنه هدفنه اشويه نمرح ،بس لو يكون مع مرحنه اصول
رزاق-صح
حميد-هسه منو يخبرنه جزئيات القصة
صادق-اني
المشهد السابع عشر
شارع المدرسة- صباحي- خارجي
في الشارع مدرستين الاولى ابتدائية للبنات والثانية متوسطة للبنين ، مجموعة من البنات والبنين يترددون على المدرسين ومن بينهم جواد،يحمل بيده اضبارة تحتوي عدة اوراق وشهادة النجاح ،
المشهد الثامن عشر
ساحة المدرسة – غرفة الكاتب صباحي-داخلي. خارجي
مجموعة من الطلبة يجتمعون عند احدى الأبواب كتب عند بابها غرفة التسجيل ومن بينهم جواد،ما ان يفتح الباب حتى يهجم الطلاب للداخل و يتدافعون ،
الكاتب- بهل الحالة اني ما اقدر اشتغل. (ينادي)
ابو عبدالله. ابو عبد الله
يظهر الفراش ابو عبد الله. مسرعا صوب غرفة الكاتب
ابو عبدالله – نعم
الكاتب -اذا ممكن ارجو ان تساعدني وتخلي الطلاب يدخلون واحد. واحد ، للتسجيل
ابو عبد الله- من عيني
(ديزال)
يشكل الطلاب صفا منتظما ويستقر جواد وسط الصف ،ولا يبقى الطالب في غرفة. التسجيل اكثر من دقيقتين
(ديزال)
المشهد التاسع عشر
مكتب الكاتب -صباحي-داخلي
الكاتب مشغول بمطالعة وثائق جواد
تفضل اخذ اوراقك
جواد-ليش؟
الكاتب- ما اقدر اسجلك عندنه
جواد-(تكاد العبرة تخنقه،) ليش؟
الكاتب-بسبب عمرك
جواد-اشبيه عمري؟
الكاتب-عندك مانع العمر
جواد-ما افتهم. مانع عمر
الكاتب-حسب الوثائق عمرك 16سنة ، واذا يعجبك تواصل دراستك لازم تداوم مسائي
جواد-بس!!
الكاتب-(ينادي) ابو عبد الله تعال طلعه
المشهد العشرين
الطريق العام- صباحي-خارجي
يركض جواد من دون هدف مقصود ، ويبكي بصمت قاتل ، وصوت الكاتب يلاحقه
الكاتب – ابو عبد الله. تعال طلعه. طلعه. طلعه
يصرخ جواد وهو يركض وسط الشارع
جواد-ليش. ليش
صوت الكاتب- طلعه طلعه
يتوسط جواد وسط الشارع المزدحم بالسيارات، ينتبه اصحاب السيارات ، فيغيرون اتجاههم بسرعة. والأصوات تلاحقه
الولد عمره عشر سنين ، ما يقبلوه بالنهاري لازم يداوم مسائي.
القانون. يقول
هذا اشلون قانون
- لازم يداوم مسائي
مسائي. مسائي
صوت فراميل قوية واصطدام سيارتين ببعض، يترك السائق سيارته ويتفحص الصبي جواد
السائق-ابني اصعد اوصلك
ينهار جواد تماما ولا يستطيع الوقوف على قدميه، يسرع اليه السائق ويأخذه بالحضن ، يساعده صاحب السياره التي اصطدمت بسيارة السائق من الخلف ، ويضعانه في المقعد الخلفي
السائق- اني رايح لمستشفى الجمهوري
المشهد الحادي والعشرين
مستشفى الجمهوري- غرفة الإسعافات صباحي – داخلي-
جواد راقد على السرير وبيده مصل مغذي وتلتف حوله عائلته بالكامل ،إخوته وأمه وأبيه وكذلك بدرية والسائق ايضا،المصل على وشك الإنتهاء، يقوم الممرض بعزله عن المريض
الأب يتجه للسائق
الأب-اني ما أعرف اشلون أقدم شكري لك
السائق- ماكو داعي. موقف إنساني ،بس عندي طلب
الأب-أطلب ماي عيوني
السائق-توصيلتكم علي
المشهد الثاني والعشرين
منزل جواد-غرفة الضيوف – ليلي-داخلي الشباب ،يشكلون حلقة دائرية ، اني راجعت اقتراح اخي الكبير صادق وشفت احنه لو مثلنه هاي الأفلام ما راح نضيف شئ جديد ، بس لو نمثل.معاناة الناس، راح يلقي عملنه صدى مستمعين
رزاق- يعني اشلون
جواد –ابسط. مقال. قصتي
حميد- خوش فكره
صادق-خوش فكره اشلون، ومنو يكتبه
جواد- اني
رزاق-والله خوش فكره
صادق-واشسمه التمثيلية
جواد- مانع العمر
المشهد الثالث والعشرين
مكتب مدير المدرسة -صباحي -داخلي
مكتب جميل ونظيف ،
بدرية-صباح الخير
المدير-صباح الخير بنتي. اتفضلي
بدريه-الكاتب امتنع يسجل جواد بمدرستكم
ياخذ المدير الاوراق من بدرية ويراجعها
المدير -يبين جواد طالب شاطر،درجاته زينه وما عنده رسوب ،بس ليش عمر 16سنة تكدر تجاوبني
بدرية-هذا مو عمره الحقيقي
المدير-،لعد هذا عمر من
بدرية،- عمر اخوه
المدير -صلحوا الاوراق
بدرية-الحق وياك. نصلحه
المدير-هسه اسجله
النهاية
التعليقات مغلقة.