سِرقةمشروعة…
مصباح ابوحماد
،،،،،،،،،،،،،،،،،،،،،،،،،،،،،
نسرق مِ الزمن لحظات
ونسـافر جوّا … أيامنا
نِرجـّع ماضي أحلامنا
في بلاد الورد المرسومة
بايدين الخير المزعومـة
كتبنا أجمــل الحكايات
….. ….. …..
بِنسافر لاجل مانِنسى
أو تِنســانا دي الآهـــات
ونسرق بس مانِأسى
يادوب م الزمن لحظات
ندوق م الهنــا لمسـة
تهمس للقلوب همسة
تِوِنِّسْنا ف زمن كله شتات
….. ….. …..
دِ.سرقة بس مشروعة
مـادام الفرحة ممنوعة
وطلة مـن البـلاد الغُـــرْب
مِخاصْمـة للجيران والقُرْب
ومن جُوّا المُحال والصعب
تشاور…. بس ماتْقَرّب
ومن أحوالها نِسْتغرب
ولو لحظــة هَنَا تِقرَّب
بنسرقها…. وماعلينا لوم
ونغزلها…. فُـرُوح بالكوم
نعيشها… لحظة مابتدُّوم
ونِرجَع في الهمـوم وِنْبَـات
ونشتاقها ساعات وساعات
ونلقي السلوى في الذكـرى
تِنسِّـم شوق مـن البسمـات
“” “” “” “” “” “” “” “” “” “”
مصباح ابوحماد
التعليقات مغلقة.