” شايل شيل ”
شعر سيدة القصاص
مسافر… فيك
ومالي
شراع
معبي ف جعبتي
أوجاع
وشايل شيل على
أكتافي
حمايل ما
يشيلوها …سِباع
مرار الشيلة…
بيشاور وبيقول لي
هاتتحمل؟
ومش طايق وبتأمل
وبتهافت
على اكتافك
تشيل عني تطمني
أتاري البعد
مستحوذ… على
دربي وبارك فوق
ضلوع قربي
مطرز جبته بخداع
دموع الوِفْق مش
ساكتة بتجري
فوق خدوده انهار
وقلبي مِوَقَّفُه
زنهار …على
ضفة رضاك مُلتاع
باوجه لك
يادوب سؤالين
هاتمسك إيدي
ونعدي ؟
وتسند روحي
وتهدِّي ؟؟؟
وللا مكتوب على
ضهر
الأماني…وداع ؟؟؟
.
التعليقات مغلقة.