شبرا راحت للزمالك …بقلمي/وحيد علي الجمال
وسندت روحي بكفي مالت
من شبرا راحت للزمالك
فقران وبدفع للضرائب
ولا ليه ملك ولا مشارك
من خضتي ماعدت شايف
وبقيت بنام وانا قلبي خايف
مر الكلام بات على الشفايف
بعت النفيس ويَّا الغوالى
بحلم وحلمي مش مغالي
جالي المرتب يشتكي
محتاج يسدد الف حاجة
خلصته قبل ما يبتدي
خد ديلُه فى سنانه و هاجر
تلميذ حضر ماعملشي واجب
عقلي انفجر من خضته
مقدرش حتى يكدبه
واقف مهنج مطرحه
راكن ورافض احركه
كل الساعات راكبها قهر
مافضلشي يوم بيعدي سهل
حتي المرار بقى مضغه صعب
نفس الحارات نفس الاماكن
شبرا ياناس شبه الزمالك
في الغلا مش في الرواتب
معرفتش امسك في الوجع
كيسة انفرط كان بالغلط
جوايا أصبح مخترق
ارمي حمولك كلها
علي اللي واهبلك رحمته
خلي العبادة مبتغاك
هو المدبر للحياة
جعلك خليفة و اصطفاك
وحيد علي الجمال
التعليقات مغلقة.