شبك قلبي : بقلم وافي إسماعيل الشلبي
كلام نظري وعارفينه
ومين يقدر ما يسمعهوش
بيدخل دوغري ع البحري
لأي مكان في أي وشوش
ببرج الحوت أنا مولود
ومش موعود بأي كلام
لكن موجود
رميت الهلب ما شبكشي
ولو شابك ميطلعشي
وأعمل ايه فنزلت خلاص
لقيت الحب متحاوط
يا بني آدمين
وكمان الغدر بيقطع
في لحم وطين
هشاشة روحنا سامحاله
ومن تاني بقولهاله
كفاية خلاص
وسيب الحب يتطلع
لعرش الروح
وسيب اللحن متفرع
يداوي جروح
وسيب للقلب فسحاية
لضخه يعيد
وسيبك انت من هزلك
وم التهديد
يا ناس الدنيا منفاتة
وحقد يزول
ويبقى الحب للآخر
وعمره يطول
التعليقات مغلقة.