شنطة أحلامك بقلم / وحيد علي الجمال
من قبل ماتسقط في الثانوي
وتعيد المادة في سنه كاملة
كان نفسك حلمك يسمحلك
تعبر على مركب من صنعك..
وتحول ذاتك لجزيرة ..
انت لوحدك سيد فيها
ولا حدش غيرك يحكمها لها سور وحدود..
وقانون مسنون ..
ممنوع تتكسر أحكامه
حمل في النور..
واشرح في طابور
الأرض البور زرعها مقتول لو حتى النيل ..
من دمه هيفضل يرويها شنطة احلامك سرقوها
وباعوها وكانت بالجملة كان لسه كابوسك مش قادر ..
يقتل في برودك و يخضك
وراهنتك فاكرك راح تكسب ..
أتاريك بسهامك في النازل ودفعت خسارتك وضمنتك ..
مش لازم تندب بقى خيبتك ..
وسؤالي هيجي من المنهج
واعملك بعده غسيل معدة ..
انا بعتك بخس ونجحتك..
واخواتك شكوا في أوزانك لكن صدقني انا رجحتك
حظك كان رافض يفتحلك
وتشوف تفسيرك لصيامك
كان عاكس تعويزة روحك
وضياع صندوق آخر بختك
أنا آخر حلم هيفتحلك
أنا اخر حضن هيرتاحلك
أنا اخر بحر هيسمحلك
تعبر فوق نغمة أوزانه وتكسر في قوافي قصيدته مشوارك راح يلعن خوفك
لو جنّة هيرفض تفاحها
وفي لحظه سكري من خمرك وانا برقص
ماسك في خيالك
قررت أبيع شمسي في ضلك وأضحي بآخر أوهامي يمكن يتغير كدا طبعك
بخلان بمشاعرك على نفسك ..
مش قادر أجمع أفكارك
في وجودك همشي على الميه ..
مش شايف غيرك حريه كان سجنك أكبر م الدنيا
كان آخر حلم وأمنيه..
وانا قاصر لسه ومش واعي اختار الحلم اللي يناسبك
حدد بإديك اللي تحبه
راح يبقى قرارك وانا واثق انا صورتي هتبقى في بروفايلك..
اخر أسبابك في رحيلي
التعليقات مغلقة.