شوفيلي إسم بقلم الشاعر.. محمد الشناوي الشيوي
يطلع مني مكنوني
فأنا رهين ضحكتك
ياأجمل ورود كوني
صليني لحظه رضا
وخديني. أمنيه
مهما قساوتك تزيد
بالشهد محليه
ياضحكه المصطبه
يامطبطبه علي الدار
راح الحنين والدفا
وانطفيت الانوار
جدي عامود الدرار
زاينه الحيطان صورته
وراس أبوي والشيب
عمره ماكان العيب
يعرف حوارينا
يادنيا يامروحه
ليه ذلتك فينا
فيتانا نبكي الوجع
وعلينا ماسماش
فزرعنا روح الأدب
طال إنتطاره مجاش
يمكن يكون ملنا
عناوينا ماشفهاش
يالقمه الأوباش
ومزينه بسموم
زهدك نجاه للروح
عنك نويت الصوم
أمي ياضحكه عفا
ساكنه سكوت الدار
سيره حنينك دفا
شعلل في قلبي النار
يكفيكي كلك وفا
بعد الممات بزمان
بعدك وكان الجفا
والزل والحرمان
الفرقه صارت وطن
والخير وولي ووراح
معرفش ليه بعدك
صوت الشوارع باخ
حتي الحنين وإن وجد
لحظه ميلاده شاخ
مش باقي مني
غير لفتتين أغراب
واحده علي الدنيا
والتانيه علي الاخره
يادنيتي الفاخره
صوتك حقيقي ترا ب
هاتيلي طفله من خيوط
الشمس
ترسمني مطر ودموع
ساجده في أرض النبي
أجمل مافيها خشوع
تفتح في قلب اللقي
شارعين بيتلاقو
جلبي ال داب من
الوجع
في عنيكي ترياقو
صبيلي لحظه رضا
وأنا عن طريقي ماأحيد
ياأم الخطي زلزلت
ياما ملوك وعبيد
مديلي إيد الصفا
من مهجتك حلمات
أبدى سنيني وفا
يملأ السماء أمهات
أبقي في وريدك حكاوي
يسمع غناها الطير
أخدك معايا وأطير
لحظه ميلاد أمشير
يادنيا المشاوير
وألبحه في دموعك
روحي في ينبوعك
فلاش تقولي مات
التعليقات مغلقة.