شيرين بقلم / الفلاح الفصيح معوض حلمي على
بيسألوني عليكي ومش هاخوض فالدين
هاقول عينيكي وطن بيجري ف الشرايين
طبعاً شهيده شيرين والروح أكيد طاهره
يافيض من العدرا طارحه الوفا فدادين
عريتي زيف أمتي وكشفتي فكر وضيع
على الحدود جتتي ، معروضه آه للبيع
ختم العبيد اتخـتم لكفيل بفيل أبرهه
سايقـنا للمنتـهى ، وبيحـبي ع الـتطـبيع
الوحـده دي إنجـاز ، ونعمـتين م الرب
وليـه شـيوخ الجـاز ، بيروبوا فيـنا رب
فتحوا البيبان للعدا ، سدوها في وشوشنا
ولا نادوا لجيوشنا ، ولا دقوا طبل الحرب
شبعنا ندب وخطـب على كل روح بتغيب
قلوبنا نشفت حطب ، وداسونا بالمراكيب
الأقصى لسه أسير ، والجهل فينا اعتمر
بننادي سيدنا عـمر ، لما مـلانا العـيب
التعليقات مغلقة.