شَاعِرِ الْحَــيّْ .بقلم.مصباح أبو حماد
شاعر الحي لابِيسلِّي،ولا الطبّال،ولا الزمَّار
ومن غيرالشعر أناعايش،ولاعمري هاكون محتار
لا أنا عايز أكون علم يرفرف فوق
على الساري
ولا احلم يوم،ألاقي نُجوم،تِسبح دوم،
في مداري
بس الكلمةبالنسبالي قمر ليلى،وشمس نهار
يكفاني الكلمة جوَّايا،
تَملِّي شموسها ضلَّاية،
نسيم جمالها دا حكاية..
يسافر ويا أحلامنا
يسامر بينّا أفراحنا
يواسي فينا أتراحنا
حتى يعود ليل الأُنس في قلوبنا
كضيِّ نهار
وبـ اغزل من حروفها اعْقَاد،
تبوس فرحة في عين لاولاد،
يِحسُّوا بفرحة الاعيــاد،
في درب الأماني بِتَاخدهم لكام مشوار
واحب الكلمة لو تروي أرض البور..
تبقى خضار.
ولا أتمناها يوم تِطرح زَرْعة شوك
ولا الصَبَّار.
واحب الكلمة، إيد تبني أرض خراب.. تبقى عمار.
واحب الكلمة لو تمحي شهادة الزور.
لجل ماتهدم في حياتنا صروح الجور
يبقى الكلمة بإحساسي،وفوق راسي،
ومش مهم تكون أشعار
ومش مهم تكون أشعار..
مصباح ابو حماد
التعليقات مغلقة.