شُوفت ف عيُونُك شعر / حسن أبوعرب
شُوفت ف عيون البنات
اللي فايتِين لُون عيونِك
شوفت فيهم
زهرة القلب اللي فَتَّح
والخجَل بلون ورودك
شوفت فيهم ضحكه صافيه
ولَمسَه دافيه
بين شفايفك وف خدودك
شوفت نهر من الحنان
جَي فايض بالإيمان
اللي ف سجُودِك
شوفت ف عيونك شهيد
ببتسم راضي وسعيد
بينادِيلِك شِدِي عُودِك
شوفت ف عيونك رجال
كالواسي م الجبال
شوفت ف عيونهُم صمُودِك
شوفت ف عيونك مظالم
والنهايه لكل ظالم
خان لأهلُه ولعهُودِك
التعليقات مغلقة.