صباح الخير بقلم.. أمل محمود عبد الرازق
صباح الخير يابهية
وأنت ياحسنية مع صفية وذكية
تعظيم سلام لكل ست مصرية
بتصحي تعجن في الفجرية
وتدمس الفول وتفرم الطعميةياذكية
جهزي الفطاروحضري قاعدة الطبلية
ياابو اسماعيل صحصح وافطر دا الغيط محتاج إيدين عفية
ازرع واحصد من خير بلدنا ومتع عينيك بين خضرة ومية
وانت ياحسين افتح قهوتك دا الرزق يحب الحركة والخفية
ورص الكراسي وافتح الشماسي وعلق علي الشاي واغسل الصينية
وأنت ياعم أيوب قوم وافتح ورشتك نجار حريف اديك بترسم لوحة فنية
ومتنساش تعمل الكرسي الهزاز واهتم بالجهاز علشان الصبية
يلا ياعبد الفتاح إفتح دكانك وانصب ميزانك وخاف رب البرية
وشغل الاصطباحة بالشيخ رفعت وصوت كوكب الشرق الشجية افتح قلبك ليوم جديد وعقل رشيد الرزق يحب الترتيب ويكره العصبية
نهارك سعيد ياعم سعيداسعد جالك طفل جميل من بنتك ذكية
وانتي ياست البنات يافتحية
افتحي قلبك وعقلك معاياوشاركي معانا في النصح والتوعية وشاركي في حملة الست المصرية
علشان مصرنا الغالية أحلي بهية.
التعليقات مغلقة.