صباح الخير على حبيبى
بقلم جمال زكي عينر
صباح الخير على حبيبى
كحيل العين
صباح بيغنى ويقول له
يا ليلى يا عين
صباح صبح على حبيبى
وقال له يا زين
يا نور الشمس قمر فى سماك
يا ضى العين
صباحك فى الصباح
نسمه وضلايه
صباح يسعد قلوب رايحه
وقلوب جايه
يشيل الخوف من الملهوف
ويهدى حبيبه وردايه
صباح ملفوف كلام وحروف
بيحفر فى القلوب آيه
صباح الخير يا وش الخير
صباح الخير على عيونك
صباح مليان هنا وتباشير
ويسعد ربنا يومك
التعليقات مغلقة.