صباح العيد
بقلم سولافا بسيوني
صباح الفرحة
من بدري صباح
العيد.
وكل الدنيا بتغني
ولابسه جديد.
وجايه علينا بتعيد
وتملى الإيد.
وتوب من السعد
متزين جماله يزيد.
وخد الورد متلون
وفيه تجديد.
لألئ من الندي
بتروي غصن وليد.
وشجر الفل يتمايل
وليه عذره دا كل
الدنيا زواره في
يوم العيد.
في قلب الطيبة
ليه معنى وطعم
أكيد.
دا هي الفرحة
والبهجة وهي العيد.
لو كنت قريب
أو كنت بعيد
تشوف النور في
وش ولادها تشوف
العيد.
صباح الفل يا غالية
صباحك عيد.
يا ام الدنيا مين
بعدك قلبي يريد.
دا حب الدنيا ما
يكفي وأنا عاشقة
تراب ارضك
وعشقي يزيد.
صباح الفرحة من
قلبي صباح العيد.
التعليقات مغلقة.