صباح مبسوط بقلم هنا سعد
صباح شارب من نيلى
وبيغني مواويلي
ويقول الصبر؛ نتصبّر
هيبقى من بعد عود
اخضر ؛
قد الكون
صباح مبسوط
على حاله
وبيغنيله مواله
ويقول للشمس
أنا راضى
مليان بالخير
ومش فاضى
أعد نجوم
صباح الخير على الجيرة
صباح الود يا اصيلة
يا بنت عمارتى
وشبابيكى
انادى عليكى
لما الدنيا تغلبنى
الاقيكى
تحنّى عليا وترضينى
وارضيكى
ولما كبرتى بداديكى
واموت فيكى
صباح سكر بيغنى وبيرقص
صباح أحمد أخو مرقس
صباح الفجر وقرآنه
اللى بيطمن
صباح صلوات فى كنيسه
لربه بيتحنن
صباح محبة وحضن أمان
صباح يجمعنا فى كل مكان
صباح مجدول بمشاعرنا
صباح بيحللى ايامنا
ينور كل ليالينا
ويرسم كل خطاوينا
بلون الشمس
مبسوطة
ولون نيلنا
التعليقات مغلقة.