صدأ القلوب … بقلم سيد جعيتم جمهورية مصر- العربية
وسعيلي مكان ف قلبك
ما تقفليش في وشي بابه
حضن قلبك نفسي منه
عبي صدري من عبيره
عايز اعرف اللي صابك
خلى قلبي يهون عليكي
و انتِ عندي ما تهونيش
بتضيعي قلبي اللي حبك
حرام تبيعي بالرخيص
وتسيبني احن ليكي
والحنين ما بيرونيش
حبي ليكي يساوي عمري
وأنت عندك مايساويش
دمع قلبي بان ف عيني
لكن انتِ ما شفتنيش
همسي تايه جوه نفسي
مخنوق ودايب م العذاب
صمتي باح رغم سكوتي
وصوته عدى ألف باب
واللي ناله من جنانه
ومنك انتِ شاف عتاب
هوه حبي كان سراب
ولا قلبك كان بيكذب
ولا يعني اكمني صابر
وبعذابي مش ببوح
ابقي راضي بالجروح
ياما وأنتِ بعيد بشوفك
قلبي نايم بين كفوفك
كنتِ عايش لما كنتي
فرحتي لما تهلي
أو هلالك يحتويني
تبقى عيدي
حية دايمًا في وريدي
ليه تقيدي في روحي نار
خلي عقلك جنب قلبك
واسأليه مين اللي حبك
قلبي لسه مش مصدق
وجيعته ليه
مش فارقة عندك
ولا كنتِ بتخدعيني
عايزة بس أكون أسيرك
عمري أبدًا ما كنت عاجز
قادر اخطى ألف حاجز
وعمري أبدًا ما انحنيت
التعليقات مغلقة.