صدفه شعر وحيد علي الجمال
فتحت الباب انا صدفه
لقيتك جاي بالصدفه
نهج قلبي من الخضه
تقول واقف على لَطّه
رمى نفسه كدا في حضنك
وحط في روحي كام حطه
نسي جرحه مع دموعه
وليل السهد وشموعه
انا بحلم في يوم ارجع
ولو طعمك كدا علقم
عنادك فيه كان حرفه
ولو تبعد كدا خطوة
هزيد في القُرب انا ميه
ياطير واقف على غصني
اضمك والا تكسفني
انا من غير ما تعرفني
ولا قلبك كدا شافني
شربت الصبر في وصالك
و بحرك في الهوى غيه
بلاش نحكي عن الماضي
ونعمل م الجروح قاضي
وكله كله لو تعرف
فدا قلبك كلام فاضي
هسيب من حقي انا شويه
واجيب عندك كدا شويه
وازيد فيهم على عينيه
ولو يرضيك هقدملك
عليهم قلبي دا هدية
وحيد علي الجمال سرس الليان محافظة المنوفية جمهورية مصر العربية
التعليقات مغلقة.