صديقي …كلمات : د عبدالهادى قنديل
إلى أصدقاء عمرى الذين أختلف معهم فى مناقشاتنا على الفيس بوك
صديقى ياللى بكتبلك وتكتبلى
يا ساكن أنت فى البحرى وأنا فى قبلى
يا شايف كل شئ غيرى
مفيش ماضى ولا حاضر هنا غيرى
دنا معنى
مسير الماضى يجمعنا
وكل خلافنا فى الواقع ملوش معنى
ولازم تفتكر إنى
مكانى القلب والننى
ولو فيه فى الفؤاد حاجة
بسلم والعيوب منى
ولا استغنى
عن الحلم اللى دغدغنا
عن الحب اللى عاش فينا وجاب دغنا
دنا صاحبك وعارف إنى كلى عيوب
وكل الخلق شايلة من خبتها ذنوب
هتكسب ايه لو حدفت فى الطوب
دنا طيفك وجار قلبك
بتزعل لما بكتبلك ؟
يا صاحبى إنت نور عينى
ومنك عمرى وسنينى
أنا الأصلى مفيش غيرى
ومش تقليد ولا صينى
وكل الخلق دى عارفة
بإن الصلح يحيينى
التعليقات مغلقة.