صرخة من الريف…عبدالخالق شويل

الله الله عليك شيخ الشعراء وصنو الروح الاستاذ / عبدالخالق شويل
وتحية لاصحاب المعالى القائمين على هذا الصرح الثقافى والتنويرى الراقي .
وهذه معرضتى لشاعرنا الكبير
.
.
الجواز اصبح مصيبة :-
.
الجواز اصبح مصيبة
م القريب والبعيدة
العريس خالع دماغة
ولحماة قام جاب له داغة
لو ما جبش الكمبيوتر
والشاشات
والمراوح منها كام
والمكيف .. سخن بارد
ويا اربع دفيات
يبقى راكب الف عيبه
والبنية تعيش فى عار
من سلايفها تغار
جوزها طبعاً لاوى بوزة
واللى مش عايزة .. يعوزة
يوم يمسيها بعلقة
و يعاودها ع الفطار
شيخنا قالها صرخة الريف
الحزين
لما بنجهيز عروسه
نستلف من كل حى
ايشى نقدى .. او كمبيالة
او مجاملة نردهالة
يوم ما بيجوز عيالة
بهدلوا الشايب معاهم
غرقوة فى الديون
اش ازايز طاقم فضى
اش مدهب والصحون
اش كاسات وكبيات
ويا كام فازة وزِينة
ويا حبة انتيكات
قال واية غسالة عادة
وواحدة بتنشف كمان
ويا اتوماتك زانزسى
ولحماتها كمان هدية
لجل ترضى ع البنية
ويا غسالة صحون
لجل ايامها تهون
لو ابوها قال كفاية
حرام عليكم
وشد شعرة
العريس خلصت مهرة
والديون زادت عليا
قالوا عيبة عليك يا راجل
طب عشان خاطر البنية
هات نجيب الكام لحاف
ويا عشرين بطانية
زى زينب بن اخوك
ولا حتى زى عفاف
هما احسن من سهام
بنت زينة ومستحية
فرسة وناقصها اللجام
قوم ياراجل شد حيلك
لسة طاقم .. الصالون والانترية
ودول بكام ؟؟
هما يغلو ع البنية
دا هى روحك
قبل ما كانت عنية
راح مسخسخ من كلامها
وراح فى غيبوبة قوية
هى دى اخرت جوازة
مات ابوها
ومشيوا هما فى الجنازة
يا الف ميت مليووووون خسارة
يا بهية .
ولسة للاحدث بقية
.
#على_مصطفى؛
8 / 1 / 2020 م
.
.
.