صغير على المسئولية ..
أسـمـاء الـبـيـطـار .
كتير بنسمع الأمهات ،، الخالات ،، العمات ،، الأصحاب
و يمكن جارتنا اللي هناك .
بعد البنت ما تتجوز و يا دوب يهل اول طفل .
و هما بيهنوها بأول فرحتها .
يقولوا لها هاتي وراه الطفل التاني على طول !!
علشان ترتاحي بعد كده !!
و فعلاً بتسمع الكلام ؟!
و بتجيب الطفل التاني و الأول يا دوب
لا لحق يتفطم و لا يتعلم الكلام !
و من ساعة ما بيشرف التاني غصب عننا .
بنعامل الأول “بطول رجليه ” آه و الله
بنعامله على أنه خلاص بقى كبير و مسؤول ؟!
عن اخوه أو اخته اللي لسه بيرضع معاهم .
الطفل الأول ..
كتير بيبقى مظلوم .
بيبقى طالع شايل الهم و هو مش عارف فيه ايه و لييييه ؟
بيطلع طفل تقريباً نقصة حنية الدنيا .
ناقصه دلع و شقاوة الأطفال اللي موتيها فيه .
طبعاً علشان في اصغر منه و لو بيوم واحد .
و في الأخر نقول الولد ده طالع معقد كده ليه ؟؟!!
فرفقاً بنفسك و بطفلك الأول .
فـ فترة حنية و دلع .
افضل من فترة علاج .
التعليقات مغلقة.