صفقةُ غربان
خاطرة بقلم : هناء محمد
يا طائر اتخلقت بجناحين عشان تطير.
رضيت ليه بقص جناحك و التسخير.
كتبت عليك تعيش في القفص أسير.
بعت بكام حريتك و أصبحت ذليل.
تركت الكون الفسيح
و قولت سعيد
طب أية الدليل.
فين أحلام الفضا.
فين التغريد بين الأغصان
ترقص و تميل.
فهموك دي نعيم
و أنت عارف إنك سجين.
أنت عايش بس ميت
يوم ما تقرر إنك تحيا
هتكون أتأخرت كتير.
حتى الطيران مش هتعرف تطير.
أصل الحكاية مش قفص و نعيم.
الحقيقة إنك بعت الضمير.
يوم ما وقتك ينتهي.
في حفرة أنت هتترمي.
و يجي غيرك.
في منهم كتير.
قرّروا بيع الضمير.
و البداية ملهاش نهاية.
صفقة غربان مع طيور في ظلام الليل.
التعليقات مغلقة.