صمام أمان بقلم مصطفى كرم
قولت لها
يا ام الخدود وردى
حاسبي علي قلبي
قلبي ضعيف وخفيف
بيقولك عليه هدي
ردت وقالت
أهدى على قلبك ليه
باقي ف غرامك إيه
كل اللي عندك قولته
وكفايه صبرت عليه
باقي لغرامي كتير
دا قلبي ليك اسير
بحلم اشوفك يوم
ونعيش زي الطير
سرحت وقالت
كلامك زي سحر يغويني
أخاف أقول اه قولها يضنيني
حكم الهوى غلاب ولا يرحم
وقلبي يتوه ما تهديني
همست ليها
خلي هواك ليك دليل
تشوفي بيه حلم جميل
ينور فيك طريق الخوف
ويسعد قلبك ويقول مواويل
بعيون حزينة اتكلمت
قلبي خلاص كره والواد
مبقاش يآمن للعباد
من كتر جرحه م السنين
أصبح بيعشق البعاد
رديت عليها
جايز كرهتي العباد
جايز عشقتي السواد
بس فيك قلب جميل
ممكن يوم يلقى المراد
المهم بس تحقيقي
ومن حبه ليك تدققي
ولو حسيتى الود قريب
أفتحي باب الامل وعانقي
قالت
خايفة من جرح القلوب تاني
بعد ما نسيت جرحي الأولاني
يرجع الحزن يسكني
ويكون هو رفيقي وعنواني
قولت لها وبكل حنان
أنسي خلاص كل اللي كان
وتعالي نعوض سنين حرمان
تحضن قلوبنا فرحة لقانا
ويبقى الحب صمام الأمان
التعليقات مغلقة.