صوت الفجر .بقلم.حسن ابو عرب
ومهما يهدوا فى جدارك
ويْحاولوا يدارُوا أنوارك
وتخدعهم امانيهم
وينسُوا المولى باريهُم
ويتباهى الشيطان بيهُم ويغويهُم
مسير المولى راح يئذَن
وصوت الفجر راح يدَن
يصحُى كل أطهارك
يصلُّوا فى الحُسين جمعَا
صليب وهلال يقولُوا سَمِعًا
معاهُم كل أخيارك
يافاتحه فى الفؤاد شبابيك
وشط الحب دا خضَارِك
باشُوف العشق فى عنيكى
يغنى أحلَى أُغنيه
وشجره بالغرام طارحَه
دموع من شوق وحِنِّيه
لآلئ تضوى بمدارِك
ومين زيك
ياشاربه الشمس من ضيك
وكَرْمَه كارْمَه زوارك
ولو طالت سنين بردِك
نلاقى الأمن فى احضانِك
فليه الدمعه فوق خدِك
وكُلَّتنا حيطان صَدِك
طابور م الشُهدَا فوق أرضك
يخلُّوا النصر من سعدِك
وتسكُن فرحتُه ديارِك
فقومى رددى وِردِك
وإحيى الليل بأذكارِك
دا مهما يهدوا فى جدارك
ويْحاولُوا يدارُوا أنوارك
مسير المولى راح يئذن
وصوت الفجر راح يِدن
يصَحِّى كل اطهارِك
التعليقات مغلقة.